樂古Nakuz

標題: 專訪Gameone研發大佬！《夢幻古龍》的誕生-第一回 [打印本頁]

作者: HiMsPaCe 時間: 3-11-2009 19:50
標題: 專訪Gameone研發大佬！《夢幻古龍》的誕生-第一回

專訪Gameone研發老大
窺探網絡遊戲誕生之秘！　　響呢個遊戲淡季，好多Game迷都會埋怨話：「點解咁耐都未有新作玩？」好多人都識玩同試新野，不過又有幾多人知道製作遊戲既困難之處呢？呢一日，Gameone帶黎《夢幻古龍》既研發老大，同大家睇睇一個遊戲既誕生之「秘」！

記：《PC Game Weekly》編輯白特約雲
濤：《夢幻古龍》遊戲監製阿濤 (研發老大)

記：【選材】其實《夢幻古龍Online》既主題 - 「古龍」，呢個選材係幾時決定？當中又有咩取捨？經過左幾多次修改先開始成形？

濤：其實落實開發《夢幻古龍Online》，主要係因為兩年多前，《古龍群俠傳Online》既成功驅使，而且我地亦想開拓一條回合制MMORPG既遊戲路線，所以就決定以「古龍」為主題，再混入Q版風格同回合制設定落去，打造我地既「夢幻古龍」。

　　其實主題好快就有定案，而開發組多數人都同意後就開始著手製作，呢方面無太多修改。至於之後既工作，主要都係確定畫面風格同人設造型，呢方面既內容相對難得多，好多野都唔可以一次性決定...

其實初初既主要工作就係打造場景，設定人物後再連接起來，令故事和任務更有味道。

記：【靈感】點解會選用回合制模式？靈感來源又係咩？有無「抄考」其他作品呢？(笑)

濤：呢個初初開會時就已經有定案，我地覺得，Q版既回合制遊戲，比起其他ARPG類型既MMORPG感覺係較為輕鬆同休閒，玩家可以有多D既互動空間，唔使入指令時，可以多D時間同其他玩家傾計... 而戰鬥亦無ARPG類型既咁緊張。靈感來源... 有無「抄考」呀~ 唔！其實我地的確參考左好多其他同類既作品，之後再將佢地既「優點」同被玩家認同既地方抽出後再加以改良。

記：【2D｜3D】雖然初初已經確定左《夢幻古龍》係回合制，但點解會選用2D設定，係基於咩因素考慮既呢？

濤：其實我地初初係諗過用3D人物加2D場景呢方面黎製作，不過最後都係揀左2D，始終2D無論人物定場景，都係最能夠表達人物既性格同細節，而且亦比3D更加細膩，對一個唯美風既武俠遊戲黎講係最適合不過。

其實由構圖至上色，每個工序都相當耗時。

場景設定圖	場景上色圖	場景完成圖

下回預告：
到底人設係唔係畫幾筆就搞掂咁簡單呢？

　　相信好多玩家都想知道，遊戲既人設係點樣打造？唔少人都話：「車~ 都係搵個人畫幾筆上色之麻！」，到底係咪真係咁簡單呢？想知道研發老大既困難之處同開發趣事，記得留意日後既報導啦！《夢幻古龍》將於11月9日進行封測，欲得知更多有關遊戲的詳情，請密切留意官方網頁啦！

作者: 傲宏` 時間: 3-11-2009 19:58
恩;` 第1個xDD;`
D畫面好令呀-V-`

作者: pash60350 時間: 3-11-2009 20:16
1個字 "正"喔
好想快D玩

作者: 1994ming 時間: 3-11-2009 20:45
好想快D玩啊。

作者: timleung11 時間: 3-11-2009 22:15
原來呢-口-
1個場既前身係咁樣衰-v-

作者: ilovec2 時間: 3-11-2009 22:31
隻座騎好可愛哇>v<

作者: emiru 時間: 3-11-2009 22:36
其實隻game係即時定係回合式架?

作者: seven0007 時間: 3-11-2009 23:01
初來咋到只想要號

作者: 天機翼 時間: 4-11-2009 16:53
D畫面好得意
支持

歡迎光臨樂古Nakuz (http://comcnocontactwww.nakuz.com/)