Sony同任天堂似乎名副其實地「對著幹」,正當PSP推出縮小版o既PSP GO,NDS亦不甘示弱,但推出o既竟然係「放大版NDS」—NDS-i-LL,無論屏幕面積同體積都比前作更大o既主機。
暫時推出左o既有深啡、酒紅同白色三款,其它顏色亦當然緊隨其後推出。
包裝內除左部主機外,仲有觸控筆(當然係比以前NDS i o既粗)、火牛同一本說明書。
NDS-i-LL照舊有五級螢幕亮度,以中亮度黎計,電力可維持9-11小時,比NDSi o既6-9小時長。
拍埋落部NDS-i,大小差別非常明顯。LL主機尺寸有161.0x91.4x21.2mm,比NDS大48%。
NDS-i-LL機o既大屏幕係佢最重要賣點。4.2吋屏幕,比前作增加93%。而且液晶屏幕o既可視程度大大提高,旁觀者都可以睇到屏幕,更加適合多人共樂。再者,屏幕大D,所以睇電影時都清楚D,要睇字幕時呢個優勢就更明顯。
厚薄度比較。雖然冇乜太大分別,但體積大左,當然重左。LL主機重量係314克,比前作重左44%。
主機背後。兩邊有L/R掣,中間有卡槽。
側邊有耳筒插孔同SD卡槽。
此外,內置儲存記憶體除左有前作o既《NDSi瀏覽器》、《動態記事本》外,仲加設三款益智遊戲:《腦力強化訓練 文科篇》、《腦力強化訓練 理科篇》同《明鏡國語 樂引辭典》,一開機即刻可以玩。
有新主機,相應配件亦會陸續推出。咁大個屏幕,當然唔可以用一般NDS保護貼。而最新NDS-i-LL保護貼,呢度就有一款:
屏幕放大左o既LL主機,睇就睇得清楚左,但可能同時就犧牲左方便攜帶呢個特點(當然未至於唔方便)。NDS同PSP主機大小互換,實在有趣。
|