有空的朋友可以進一進來嗎!? 本人...剛分手了...

心v森v相v印

抱歉...阻到甘多位樂古朋友既時間...只不過本人真係好唔開心...我琴日分左手...我琴晚個心痛到訓唔到覺...痛到喊...

呢個女仔...我喜歡了她雖然只有短短一個多月(未一齊之前)...果陣佢有男朋友...雖然我知我自己好喜歡佢...但我沒出聲...因為我唔希望介入人地感情...我每日睇佢日記...睇住佢同佢男友好幸福...表面上我好替佢開心...但其實我好心酸...係果段時間...有幾次佢同佢男友嘈...佢話介手...我好擔心...我即刻msn add佢開解佢...好彩最後都沒事...我不斷比意見佢...希望佢可以同佢男友繼續落去... 雖然我係好喜歡呢個女仔...但我都唔可以甘衰想整散佢地...

結果...呢段日子...維持左一個幾月...佢地散左了...4月20日...我再add佢...叫佢唔好唔開心...我係甘哄佢...佢發現我喜歡佢...佢仲問...不如我同你一齊啦...我好開心...應承左佢...我跟她不是同一間學校的...而她年齡比我小...我16...佢12...可能差別好大...但我地傾親計係沒代溝的...

佢因為屋企問題...所以唔可以出街的...我同佢一齊左29日...沒同佢出過街...只係限於msn/sms/傾電話...我今次...我真係好認真談呢一場戀愛...我第一次感覺到自己原來都可以擁有幸福...

琴日...下午...本來我跟她約好了...我會出去接她放學的...我出門口的時候...天色突然轉黑...繼而下起大雨...是不是個天都知琴日下午會發生甘既事?

我出到去...我好開心...我第一次感覺到自己係一個稱職既男朋友...我同佢一把遮兩個人用...好開心...但...佢好小野講...我起初以為佢係因為怕羞...所以我沒留意...送佢番屋企既途中...我地好開心...有講...有玩...有笑...我真係覺得自己幸福到極點...送到去佢樓下...佢唔想番屋企...係到兜黎兜去...我好甜...真係好甜...

番到去...開msn...我覺得...佢語氣有小小怪...佢話好支力...我問佢...我第一次送你番屋企...係咪好開心呢...我下次再送你番屋企啦...佢話嗯嗯...跟住...我仲成個傻仔甘樣...去將今日幸福既事打上去日記同朋友分享一下...唔夠半小時...佢同我講...''唉 我唔想自己呃自己了'' 我見到呢句 心跳勁快 我已經大約估到咩事 但我仲係唔信 因為佢應承過我永遠唔會離開我 呢個係我地彼此既承諾

我仲笑笑口扮唔知甘問佢咩事 佢話''我地不如唔好一齊住啦 我發覺自己中意左第2個'' 我呆了...心痛得很勁...她說...呢個男仔佢本身都對佢有feel...只不過之前因為小小事而一齊唔到...但今日她說她跟他其實還是喜歡大家的...還很有feel...而且我們在上午已經一起了... 我呆哂...上午已經一齊左...甘點解下午仲要扮沒事叫我去接你!?點解仲要扮好開心!?我是被玩弄了嗎!?

佢問我會唔會嬲佢僧佢...老實講...我唔會...因為我同你一齊果陣...我應承過你...只要你覺得有其他男仔比我更好...更可以比幸福快樂比你...我會放手的...今次...我遵守我對你的承諾...但你對我既承諾又點呢?我本身諗住諗d方法慶祝今日520 係我地一齊一個月...估唔到甘就沒了...你應承過我以後只會愛我...一世同我一齊...你沒做到...你呃左我...我琴晚沒同你嘈...因為...我還很珍惜呢份愛情...

琴晚...我真係喊左...我以為只要專一...真心對一個人...就會有真正既愛情...原來事實唔係甘樣...愛情變得太快了...專一既話受傷既只係自己... 琴晚佢講完分手之後...佢真係變得好快...語氣冷淡左勁多...msn同日記既野改哂...本身話喜歡我...但已經改做喜歡第2個...

我不會再相信什麼愛情...什麼承諾了...全都是假的

FriendShip

搵個第二個新開始吧^^

皇帝仔

冇錯佢可能對你係有感覺..
覺得你好好..但個人覺得你地最近都只會係真心朋友..
因為你對佢好好..所以佢有一種錯覺..以為自己鐘意你..
朋友,是時候放棄了..
一個咁既女仔..就算幾真心同佢一齊..
佢都會走..因為佢太易鐘意人..
只係d睇樣搵男友既人.

個人意見.唔鐘意既同我講我改左佢.

ashley525

可能係我愛錯啦... 我唔知佢會甘樣的...頭先佢同我講左好多次對唔住...佢話佢知自己好衰...佢既朋友都話佢 ...
心v森v相v印 發表於 20-5-2010 13:04

邊個講分手果陣吾系鬧自己好能賤好能狗
目的只不過為扮內疚

phil1024

我覺得個12歲女仔對愛情係玩玩下過種,唔係個好女仔,樓主,其實係件好事,睇得出佢唔係對你真心

may3344

我係12歲-口-||||
但只小我識張心比己嘛--""唔會玩人禁衰

sam09037

講真;
我同你遭遇差唔多;
不過,老友,加油啦

y2975627

相囉-0- 佢屋企都唔比佢出街既 直至分手果一日我出去接佢放學先係第一次見面 ...
心v森v相v印 發表於 23-5-2010 18:07

    見都尾見過就一齊.........你對佢可能有愛,但佢一定無中意過你,下次溝女就見左幾次面先啦,佢同你分手有2個可能
1:你唔令仔
2:佢跟本玩緊你,有第2個
太直唔好小我!!!
仲有[佢應承過我永遠唔會離開我 呢個係我地彼此既承諾]你無拍過拖??睇完笑左
見都尾見過識人一個幾月就話唔會離開你........
最後!!你地跟本無拍過拖!!講完
今次算啦,下次識點溝女麻??

p0840033

相囉-0- 佢屋企都唔比佢出街既 直至分手果一日我出去接佢放學先係第一次見面 ...
心v森v相v印 發表於 23-5-2010 10:07

    ...    ok    呢個post  講完

心v森v相v印

你地一齊之前見過尾
y2975627 發表於 23-5-2010 15:30

    相囉-0- 佢屋企都唔比佢出街既 直至分手果一日我出去接佢放學先係第一次見面