《無敵貓劍俠》討論區

ivan_bb

導演 :  斯米拿 Chris Miller
演員 :  莎瑪希約,安東尼奧班達拉斯,扎基加利費安納基斯
類別 :  動畫
片長 :  -  
級別 :  I
上映日期 :  2012-1-21

《史力加》《功夫熊貓》創作班底笑聲打造
《無敵貓劍俠》
未成名之前既佢
絕密身世 爆趣揭露！


各位觀眾，貓王駕到！今個農曆年，《史力加》系列、《功夫熊貓2》幕後精英落足十二成功力爆笑打造，一個關於《史力加》系列最受歡迎人物「皮靴貓」(Puss In Boot)既瘋狂歷險故事。《黑俠梭羅》型男安東尼奧班達拉斯(Antonio Banderas)繼續聲演身手敏捷既皮靴貓；加上拉丁情人莎瑪希恩(Salma Hayek)化身成全新角色「綿掌貓女俠」(Kitty Softpaws)，以及《醉爆伴郎團》搞鬼肥仔嘜碩加利費維基斯(Zach Galifianakis)聲演大壞「蛋」「蛋散阿歷山大」(Humpty Alexander Dumpty)，兩貓一蛋拍硬擋，出發尋找傳說中既魔幻仙豆，保證抵死過癮！夢工場賀歲鉅獻

《無敵貓劍俠》，2012年1月21日，3D現身，貓聲賀歲！



為正義而戰；敵人有九把刀 佢就有九條命！
無敵劍俠─皮靴貓！
話說腳踏長靴、劍法一流既皮靴貓，一向Chok住行俠仗義，深受萬民愛戴！但係有一次，佢終於遇上一生中最大考驗…為左係阿積同阿招手上偷走
失蹤幾個世紀既傳說魔豆；爭奪一隻世人夢寐以求、會生金蛋既金鵝，皮靴貓遇到佢一生中最強既敵人：美麗動人、專搞作對既綿掌貓女俠；以及
一齊係孤兒院長大既沙煲兄弟蛋散阿歷山大，兩貓一蛋拍硬擋，展開一場魔幻歷奇大冒險！
一隻係型貓 一隻係索貓賊？ 兩個生番大惡人 外加一件蛋散！