古惑仔3之再現江湖！由你坐正做龍頭！

小雨～

　


類型：MMO-SLG
代理：Gameone
開發：Gameone
推出日期：1月15日公測
支援平台：Android 2.0.1或以上
官網：http://tb3g.gameone.com
FB專頁：http://www.facebook.com/TeddyBoy3G

【下載QR CODE】




古惑仔3之再現江湖！
由你坐正做龍頭！重定江湖新秩序！
　　十幾年嚟，《古惑仔》殺遍港漫、電影、網遊多個平台，除咗電影之名，02年推出嘅《古惑仔Online》，同2005年推出嘅《古惑仔之義Online》更加係一眾機迷嘅回憶，想當年，為咗響朵出位，無數人趕放學、放工，就係為咗行走江湖！為兄弟隻揪，同仇家開片，為社團搶地盤！今日，《古惑仔3G》再現江湖，由今日開始，無論行街搭車、睇戲食飯，返工釣魚時都可以重溫昔日嘅古惑仔歲月，大家準備入嚟忘掉錯對，懷念過去，一齊開個洪興東英踩遍港九新界啦！
　　有亞視逃學威龍之稱嘅前藝員「陳綺雯 Aki」仲會擔任《古惑仔3G》嘅江湖培訓班講師，想跟...跟...跟...南哥搵食，就記...記...記...得Mark住我啦o(^ 3^)/~！



《古惑仔3G》江湖培訓班講師 - 陳綺雯 Aki


以後返工釣魚時都可玩古惑仔啦！


話明係3G，梗係支援智能手機平台啦！



起字頭！插旗做話事人！
　　影《古惑仔3G》入邊，玩家就係社團嘅龍頭，負責管理社團日常運作，玩家仲可以改字頭！唔理「洪興」定「毒蛇幫」，只要夠疊水，大把兄弟都會跟你搵食！






收靚發圍！打遍港九界！
　　插得旗，梗係第一時間「收o靚」啦！只要消耗10點氣力，就收一次o靚，一開始可能得啲傻仔入團，但只要夠食力，就連陳浩南、山雞、太子都會跟你搵食，咁嚮朵自然夠晒力！港鐵沿線都可以玩晒！開完波仲可以玩「21點」抽嘢，勁贏戰利品！如果咁好彩抽到21點咁LUCKY，仲會有兄弟主動跟你搵食添！



人強馬壯先夠威！



搶地盤！隻揪拗手瓜！
　　如果社團夠人強馬壯，兄弟夠多就係時間出手「搶地盤」！唔好以為地盤好易打，如果對手有料嘅話，分分鐘成支旗睇住個地盤，唔帶多啲架生去，好易俾人收皮！除咗搶地盤，仲可以紮吓馬，掃吓場練習吓，還可以搵人「劈友」賺吓黑錢同江湖威聲。甚至搵到實力差不多嘅對手「劈友」，隨時隨地、無時無刻都可以搵人隻揪！



成個香港咁大，有邊個可以玩哂啊！



戰鬥排行榜，係勁嘅，全世界都知！



吹雞晒馬！FD底就幫拖！
　　做得「古惑仔」，梗係要識「吹雞」啦！只要夠FD，隨時都可以吹雞搵佢哋幫拖，一齊玩大佢！搵到愈多FD子，自然夠POWER做世界！果想打高幾班地盤，約齊班FD做嘢啦！






號外！《古惑仔3G》CY反擊戰！
　　《古惑仔3G》將會在推出當日推出「CY反擊戰！」活動，在活動中，玩家可由街頭殺上CY大宅，踢走古惑臨記，趕走後宮秘書，挑戰四大名犬，再戰CY誠信！



唔好睇少CY啊！佢招「誠信」大絕都好犀利架！