|
|
本帖最後由 MarcoHKDJ 於 8-5-2014 03:23 編輯
恭喜你 如果你入到黎睇到依句說話
你已經被人呃左啦 哈哈哈((嘛 講笑者
(以下長文注意)
回歸正題 近日SD出左天梯模式 相信吸引到唔少(雷友)玩家既注意
或許大家每日都會花費唔少既時間係天梯上 購取高排名高分數
不論是為了名氣 或是傻子那的專用FLAG
努力向上(雷得就雷)都係大家既宗旨
但係打多幾場就會發現 點解場場都有雷隊友架 !?
冇錯 無論係事實抑或藉口 每一場都總會有雷隊友既出現
究竟係個架冇存在感既C機呀 定係個邊個架開場冇耐就死晒2命既S機
或者係個D根本唔適合打RANK既機體?
如果大家都有打過LOL既RANK 應該都會有以下既想法 :
“你雷我? 好 我就陪你一齊雷” ;
“與其靠運氣等隊友CARRY 不如等我SOLO CARRY仲好”
但係要SOLO CARRY 笨唔係話做就做
最簡單既方法 就係用D易賺分既角色
正如LOL既”飛斯, 勒布朗”都係CARRY一隊既好角色
SD亦都有適合打RANK既機體存在
以下就等我地一齊睇下SD RANK既積分計算方法 :
S機 : 嬴=5至10分不等 輸10分起跳
A機 : (no data) 應該唔會有人(?)用掛
B機 : 嬴=10分左右 輸5-7分左右
C機 : 嬴11-15分不等(15分為主) 輸5分(基本上估定)
P.S. (數據亦有浮動的跡象 如全S機一隊贏有大機率+5分 2S2B一隊可能+7分
3C1S輸既時候 S機貌似會扣15分 又或者全S輸俾全S只係扣5分
有時間及數據會嘗試整理更明確的表格出黎俾大家參考)
(以上為本人及其基友之數據 希望有好心人提供更準確既數據) ((跪
從以上既資料可以見到 C機係非常之著數
E個亦都係點解大家會見到咁多人用C機既原因
就好似天梯排名某一啲人既勝場明明低過敗場好多 或者係積分異常地高
(不排除有刷分既存在) <- 聽講
講完計算方式 就要講下META既改變
GG改 即係G改之後再一次大改既統稱
冇左以前既萬金油強襲同突擊
而係統一為唔同既部件
格鬥同射擊 攻擊型
強襲同突擊 機動型
重武裝同裝甲 防禦型
支援 平衡型
雖然分成4種部件 但細心觀察會發現每一種都係大同小異
只有LV3, 8, 12, EX 有分別
目的係咩 ?
避免過分特化機體 或者利用自己的弱點強化自己
e.g. 強襲F91 ( B叔愛機 )
裝甲型剎帝利 (我朋友既愛機 硬到hihi)
(特別嗚謝 : 以下為我朋友打係FB GROUP既一段文章 中POINT到我都唔知講咩好)
基本上通用部件都千篇一律
考慮插咩型之前要諗嘅只有：
1. 等級
2. 特裝數
3. 特化部件
而家插破甲實在太好用，攻擊型8lv已經有
又無副作用，雖然距離縮短到1000(火神砲普遍係1500-1800)
對一眾純光束機簡直福音...(e.g. S白卡越改越強)
而且，唔駛煩加左速同攻唔可以加防嘅問題
簡直太美好啦...至奇！
防禦型幾個特化部件都加成偏少
普遍S機攻、防數值130至140
攻擊型同防禦型都可以加到9(不計EX)
大家明到底可以加幾多啦...
但攻擊向優化部件佔大多數
防禦向部件只有幾個，甚至受傷/擊墜增加SP呢個已經測試到係無用...
血量最多加500(S機普遍13000至14000血量，非大機)
防禦型簡直高潮呀...
機動型取代以前強襲算係平衡
對高階機加成少，低階加成多
3lv幫你加2機動54推30移速...
呢54推真係謎一般...45速CR剪插完推多擂台3小格...
肯定係飛雪個單位同HF唔一樣......
就概念嚟講，大概係以前特裝2-3速啦
至於2機動，又係謎之單位
有推測係2個等級嘅機動(15上到18.5係一級，舊六圍計法)
所以有時會出現兩部機都加左2機動，但手感差異略大嘅時候
最後，實彈機乃GG改勝利者，唔想解釋太多。
你問點解無講平衡型？ ((呵呵
講完部件 就要講下機體
(以下只為個人見解 不喜勿插)
最常出場C機 (個人所遇, 下同)
1. 積根(ECOAS式樣)
+ve : 破甲煩膠 遊走 插必覺清S機大半血
-ve : 大場全實彈考玩家既技術(同運氣) 手短 攻擊低(打S機)
俾人拉距離會廢左部機=騷擾力唔夠高
(近距離 破甲龜修2武或者積根隊長會比較好)
(飛雪數據[以下同] 1武950系數[以下同] 2武1250 3武215x3)
建議道具 : SP DOWN
結論 : 擾敵, 好好利用實彈大+必覺, 受限於C機既能力
2. 龜霸修理裝備
+ve : +血 破甲煩膠 水場+速敏 反鎖敵(前提係對面手瞄差)
-ve : 影響力一般 既薄又脆 要識時機放命唔係會好容易剩你一個有好多命 補彈未必每次都補到人
建議道具 : SP DOWN
結論 : 擾敵, 能補則補, 適時出去消命, 受限於C機既能力
最常出場B機 (好多同類型定位機體)
1. 古魯謝專用迪恩 (克蚊)
+ve : 破甲冇負作用 火力不俗 表現穩定 帶SP DOWN以避免對手反必
雙必覺秒S機=逆轉能力, 雙必覺秒S機=逆轉能力 (很重要所以要說2次)
(1武2700 2武1300射程1500[反掩體能力高] 3武210[一粒210+跟蹤]
-ve : 大場無力 近戰需求玩家技術(其實唔太需要) 既薄又脆
俾人放SP DOWN會失去影響力 救援能力差
建議道具 : SP DOWN / 隱形
結論 : 表現穩定, 表現穩定, 表現穩定 (zzz
2. 里歇爾(隊長機)
+ve : 雙超視武裝 突指 3武可打抗光 R後一武起手快 表現(比克蚊更)穩定
-ve : 近戰無力 救援能力差 2武需求彈藥管制 稍薄
建議道具 : 紅閃
結論 : 表現穩定, 小心子彈量, 小心近戰
3. 大魔騎兵(巨型火箭炮) (BR)
+ve : 2武超視3武實彈 突指 表現穩定 插必覺可以清S機大半血
-ve : 2武易冇彈 3武難中人 近戰稍無力(順刀唔斬天唔斬地) 救援能力差
建議道具 : 紅閃
結論 : 表現穩定, 好好利用實彈大+必覺, 小心近戰
4. BR死神
+ve : 8刀傷害可觀 隱身可作偷襲及心理戰術 在缺少帶領的隊伍中打頭陣(RANK以守陣為
主) 打亂陣型
-ve : 識睇/打隱形既玩家不少(隱形太明顯) 大部份機體會帶紅閃 連8刀雖然可以定到對面
好耐但係自己亦會暴露係眾目睽睽之下 大場無力 皮薄 近戰易食大(需求對必)
建議道具 : SP DOWN / 隱形
結論 : 衝既時機要準確 細場優勢大場無力
5. 白色食人魔
+ve : 雙指揮 有少擾敵能力 破甲冇負作用 實彈大+必覺
-ve : 全實彈 3武自定 皮薄 輸出偏低 大場無力
(1武950 2武1350 3武330/一粒)
建議道具 : SP DOWN / 隱形 / 紅閃
結論 : (不建議使用) 雙指揮雖然好 但係本身易死 且威脅性太細 容易被忽視
6. 布一
+ve : 雙指揮 控場 在缺少帶領的隊伍中打頭陣(RANK以守陣為主) 打亂陣型 坦克角色
-ve : 大部份機體會帶紅閃 大場無力 易被集火
建議道具 : 蒸糕
結論 : 衝既時機要非常非常準確 唔係只係一個大沙包 細場優勢大場無力 雙指揮開左要適
時保技 一武用黎跑路或者衝刺 唔好當係輸出技(因為你好難有輸出)
7. BR飛翼 (KA飛)
+ve : 雙超視武裝 R後有V降 表現穩定
-ve : 近戰無力 救援能力差 彈藥管制(已經唔係以前既妖孽) 稍薄 3武自定 打抗光無力(定位問題) 貼身地圖炮會打唔中人
建議道具 : 紅閃
結論 : 表現穩定, 小心子彈量, 小心近戰, 有2技就龜好
8. GP02 MLRS
+ve : 超視武裝 表現穩定 有反掩體 全彈必+必覺 突指
-ve : 近戰無力 救援能力差 未開1技唔夠彈 稍薄 3武自定 打抗光稍無力
建議道具 : 紅閃
結論 : 表現穩定, 小心近戰, 盡快開1技
9. 雄叔GN-X
+ve : 有超視武裝 表現穩定 突指 2技減傷
-ve : 近戰無力 救援能力差 彈藥管制 打抗光無力
建議道具 : 紅閃
結論 : 表現穩定, 小心近戰, 唔好太龜 適時上前幫隊友食火
A機 (極度唔建議 能力唔夠S機好 又冇B機3命既優勢)
1. 布2
+ve : 超視武裝 防指 2技無限彈 2武定身+救人3武防近戰 大場優勢(尤其開左2技)
-ve : 開左2技=就死 大沙包 2武自定 打抗光無力
建議道具 : 紅閃
結論 : 小心走位 開左2技就龜 2武得3發所以要好好用 記住定槍3秒內對同一個目標無效
2. 亥伯龍一號機
+ve : 有超視武裝(R前自定 R後冇自定) 2技抗光+V苗 輸出不俗
-ve : 開技前弱 打抗光無力 近戰稍無力
建議道具 : 紅閃
結論 : 小心走位 盡力開左2技就龜 R後大刀作自補用(範圍大但斬速慢)
3. Z PLUS A1 (試驗機配色)
+ve : 有超視武裝 輸出不俗 雙指揮 全彈大 R前自補+救人能力
-ve : 開技前R後易冇彈
建議道具 : 紅閃
結論 : 小心走位 R後為主 R前自補用 適時放血開技 但輸出始終唔夠S機好 又只得2命
4. AR勇者式
+ve : 有超視武裝 輸出高 遊走能力
-ve : 皮薄 全光束 近戰無力
建議道具 : 紅閃
結論 : 插破甲以有能力打到抗光 亦需求玩家既走位技術 輸出始終唔夠S機好 皮薄得黎只得2命
S機 (因為S機太多可以使用 以下就舉出個人認為好用既機體)
1. 00 Qan[T]
+ve : 火力不俗 表現穩定 R後高攻 有量子化
(R1 2750 R2 1800)
-ve : 俾人放SP DOWN會失去影響力 R後彈少 R前3武攻擊時會令自己量子化唔到
建議道具 : 紅閃 + 底力卡
結論 : 表現穩定, 需求玩家既槍準 盡量保命 打抗光稍無力 避免被人埋身 小心全彈大
2. ξ鋼彈 XI GUNDAM (Crazy)
+ve : 2武光槍手感既超視+多彈(4200距) 1技通指 3武自補+3發 R後打抗光+反掩體 R前後都有I-field
-ve : R前2武回彈慢 3武低攻+短距(575系數+1800距) R後薄
建議道具 : 紅閃
結論 : 小心子彈量, R前主攻打遠距 插+回彈個部件可以加埋射距去到4400 被人埋身既有好刀亦有3武可以拉距用 R後1武補火用 2武反掩體一流 開2技加射距
3. Hi-Nu
+ve : R前2武超視 2技通指 2個實彈大 被人用SP DOWN都唔大影響 R後抗光+輸出穩
定+打到抗光
(META問題+唔得太多防 變相buff左 改善以前唔夠攻既問題)
-ve : 近戰無力(因為R後為主) 救援能力差 R前3武用左唔可以R R後手短
建議道具 : 紅閃
結論 : R前後要多切換以對應唔同情況 R後小心被人埋身
4. S高達 深度強襲 (Deep Striker)
+ve : 多超視武裝 有定槍有倒地 R前2武彈匣式回彈唔怕抽彈 有實彈大 機動力不俗+1
技紅噴 R前後自帶I-field
-ve : 偏薄 全光束 難打抗包 易被集火 模組太大易擋視線
建議道具 : 紅閃
結論 : 建議插破甲以有打抗光能力 盡量留後集火 定槍同倒地記住用黎幫隊友
5. 高達DX G獵鷹
+ve : 同時有超視實彈倒地武裝=萬能機 R後滿必地圖炮 1技抗中 本身高防
-ve : R前1武少卡(斬天斬地) 2武回彈慢 3武發射口稍差(要習慣)
R後1, 3武硬直稍大
建議道具 : 紅閃
結論 : R前2武小心彈藥 習慣3武發射口 R後1武擴散中距已經中到好多發 插個減中距冷卻同+攻速可以減少硬直 集火補火就R後為主
6. 智天使高達
+ve : 輸出高 敵人難以針對(尤其大場) 雙發起手快狙擊甚至可令大機倒地(大機倒地值係
2 正常機係1) R前3武可以防隱形同近戰機
-ve : 2發狙射完有空窗期 打抗光稍無力
建議道具 : 紅閃
結論 : 雙發狙要用岩時機 冇狙就R前1武/R後上去幫手射幾槍補火 記住刀短但超順 +上
你有護身浮游 有技術既千祈唔好亂用紅閃 畢竟你唔知自己會閃去邊
7. 多魯基斯III
+ve : 超視武裝 高防 2技團技減傷 自補能力不俗
-ve : 近戰冇3武下只有牙籤1武 2武少彈
建議道具 : 紅閃
結論 : 一直係會戰首選好機之一, 龜好+留2技表現穩定 有技術既甚至俾人埋身都唔怕 有
V苗+防禦型LV12減傷部件真係好難打得入
8. Z II
+ve : 有超視+實彈武裝 R後有反掩體 全彈必 抗拳
-ve : 救援能力差 易被射死=對射能力差
建議道具 : 紅閃
結論 : 綜合能力平均既萬能機 適合平時玩開前線遊走型玩家使用 亦可作援護炮火機之用
9. EX-S高達
+ve : 有超視武裝 R前3武可打對手菊花 適合對付正面抗光機(如V2AB) 1技回彈上昇 有
實彈大 R前後有I-field
-ve : 近戰無力 救援能力差 打抗光稍無力 稍薄
建議道具 : 紅閃
結論 : 盡快開1技並退後作炮火支援 輸出穩定
對META及RANK使用機體之看法 :
睇完上面既分析 細心既人可能會發現
大部分既機體都有同樣既特徵 :
守陣炮火機 有超視炮 萬能 近戰能力略差
要知道玩近戰機雖然可以食死好多機
但遇上紅閃 大場 或者少掩體既場 少返D技術都好易死
要穩陣 就要用D炮火萬能機
因此於RANK GAME時都係比雙方的火力差距 走位失誤
抗光機亦因而非常吃香 畢竟大部分既超視炮都係光束
亦有好多機都係全光束 或是打唔太入抗光機(e.g. Deep Striker, 00Q)
除左炮火機 擁有一發逆轉能力亦受到好評 克蚊就係其中一個例子
2個必覺可以秒左S機第2命 一下子改變形勢
而GG改既來臨 亦改變左唔少機體既生態
好似以前高攻低防既機(e.g.突自) 因為冇左強襲型個D比你更薄既存在 變相減防
以前低攻既(e.g. Hi-Nu)因為冇左突擊型, 裝甲型同重武裝突化防禦 變相係加左佢既攻
而破甲冇負作用亦做就唔少機體 好似克蚊唔會再怕PS甲咁
既然GG改唔俾人特化機體性能 就只有靠機體本身既特色去取勝
好似00Q, Crazy依種萬能機 可以因此穩住 甚至提昇自己既地位
唔再怕以前個D打唔中既強襲 打唔入既重武裝同裝甲 換唔贏既突擊型
好多機返生 好多機亦死去
冇左強襲型部件 相信有好多人都好愁
但係要玩落去 就一定要適應E個META
所謂知己知彼 百戰百勝
咁就可以大幅提昇你既勝率……就奇啦!
就算你適應力幾強 技術有幾勁都好
都係敵唔過一樣野
唔係你阿媽 唔係俾女朋友GANK 唔係LAG機 亦唔係手感差
冇錯 ! 就係 雷‧隊‧友
(以下為正文)
無論係打RANK抑或打NG既時候都好 又邊個唔想隊友都係神手CARRY自己?
但所謂”不怕神一般的隊手 只怕豬一樣的隊友”
明明自己已經打得好好 輸出有成50% 對面又唔係特別勁 點解都係會輸呢?
E個時候好多人都會選擇望向自己身邊既隊友 嘆氣道, “X你, 又係豬隊友呀”
其實有邊個未試過雷人 又邊個未試過手感差?
但係現今既RANK制度就有好多問題
首先, 排RANK既時候咩人都會遇到
一場可以有一個1000分同一個1500分既同場打緊 實力明顯會有差距
套用LOL既方式黎講 就係你叫一個銅牌仔去打個白金
X你 玩毛咩
當然 你可以話有技術既咩牌都冇問題 但好話唔好聽
上得白金 實力一定有返咁上下 ; 停得係銅牌 又真係有幾多個神手?
LOL有計勝敗場同牌位既系統 但係SD卻缺乏E樣野
但係講真個句 你話分差? 我其實唔太擔心 反正隊友都係雷 ((揮手
要講最令人憤憤不平既 係個D為左賺分而係度用C機既人
高至將級 低至尉級 都有人係打RANK既時候用C機
減分少加分多 何樂而不為?
每個都想拎高排名高積分
“咁我咪用C機lo 反正個個都用架啦 等隊友CARRY算”
當好多人都有E種心態時 打RANK就會遇到好多雷隊友
要知道C機影響力低 冇攻冇防 S機出黎秒C機有咩出奇都算
最大問題係連D老手都為左賺分而用C機
究竟係一個咩既心態? 你係爽啦 但係你有冇諗過同你一隊既隊友?
不論你本人有技術與否 用得C機都打唔得好去邊
就連以前既神機K-Ball被nerf 在高手中也難以有以往光輝既表現
(真實案件 2014/05/06 – 多3+龜修+Ecoas+唔記得咩C機)
當你係E一隻多3, 你見到E個陣 我相信第一個諗法係
“Hi Auntie, 今舖又輸”
你係C機當然爽啦 贏既+15 輸既扣個幾分
個幾架C機仲要係老手玩家用既 積分對你黎講真係咁重要?
RANK本來既目的係磨練大家技術既平台 亦係展示實力既好地方
然而無論係LOL定SD好 都變成考驗大家既運氣同埋花費多少時間既遊戲 ;
有技術既人 又有多少被人雷得慘不忍睹?
最後排名同牌位 都不過是前者既用黎炫耀既工具
而後者不是走了去打比賽 就是被明明比自己技術差既人踩在頭上
好話唔好聽 有睇開前TPA/TPS成員 – Mistake最近既Live都知道
即使係韓服LOL既鑽石牌位 都有不少既無意識9衝雷隊友 (冇錯係個個電競帝國韓國)
大把人係弱呀技術唔夠 但係因為佢地係花時間同好運 所以先有咁既牌位
我打E篇文唔係為左踩低個D抱住”人雷我雷”既人
亦唔係想叫人放棄打機 一條毒向左走向右走
走去打Gal或者單機GAME((聽講最近既Daylight. Dark Soul 2唔錯
我只係希望睇完E篇野既人抱住以下既心態 :
“無論隊友有幾雷有幾廢都好 唔好同因此而放棄自己”
如果每個玩家都盡自己能力所及 我相信好多GAME既玩家質素 甚至技術都會提昇
打機 不過是想舒解生活壓力 尋個開心快活 回到屬於自己既小天地
又有邊個想連打機都變成積累壓力既地方呢?
順帶一提 HF已經改左C機加多減少既問題 大家都係乖乖地用返S/B機啦~~
最後既最後 如果大家有咩機體唔知點插部件或者唔知適唔適合打RANK既 定係有D咩特別既睇法 不妨係下面留言
古語有云 : 你的回覆就是我帖最大既動力
以下係一D HKF打RANK既片段 大家可以作為參考
先旨聲明 : 本人超弱 !
https://www.youtube.com/watch?v=jyq_tQxfe2M
因為被人Ban左音軌 睇時可以聽
|
|
[複製鏈接]
發表於 8-5-2014 00:18:36
收藏
轉播
分享
淘帖
支持
反對
變色卡
