貼出你的SDGO ID在樂古SD板永遠留名

聶羅阿瑪特

等我都湊下熱鬧先
我開過幾個號黎玩,但有入過公會長玩+印象最深既號有三個

開始SD生涯:09年6月左右
喜歡機體:巴庫(磁軌炮裝備)...實在想不出來.......

SDGO ID: sGunGun
曾加入黑暗傳說,神愛廢人1&2
昵個號全部都係舊機.....d s機係普通自由,正義,天意,ew死神,全裝甲zz哥d,見證sdo人流最興旺既2d界面年代
後黎因個名係英文名黎及各種因素冇再用昵個號
昵個號最快樂既時光係黑暗傳說既日子,哥時會戰亂打一通,打完又輸,輸完又打,但好開心

SDGO ID: 熟練的牛騎兵
曾加入Interdependence
開始有d綠螳螂,冰箱哥d大機,主天導彈裝呀,任務系列既jj渣,迪因(克魯澤機),亞布1,甚至玩到最後連突自,無正等當時熱鬥既ss機都有
雖然格同射都麻麻,但用昵個號既時候已經某程度上改善左格鬥無能方面既弊病
哥時最開心既時光係同Sabonisi,乂樞木朱雀乂,miandanq,星乂座等人團練同吹水,哥時真係乜都玩,有次團練玩到悶仲全體大機虐npc
打機係為開心,有你地咁既團友真係好幸福,昵段應該係我sd生涯最開心既日子
無奈後尾我要溫書及其它原因冇上一排,跟住就少人左,最尾解埋團

SDGO ID: 血色綿羊
曾加入 一堆柴
因為騎兵哥個號太型...加上覺得自己技術駕御唔到咁多好機,同埋公會都解左,所以又開個昵個號玩
其實係之前專門開過一個叫不幸同隊的腦殘既號黎玩,專門用拳機黎自我訓練,其實效果都唔錯,但此終都係技術唔入流
綿羊昵個號由於只想著重玩技術,所以印象中都冇乜靚機...好似有部00Q,B機愛用AGE2
身處一堆柴哥段日子最特別係有個FACEBOOK群

到最後尾我又係因考試關係等放棄左一輪,之後對SDO感情都凋淡左,又鐘意左其它Online,跟住就退左sd了

再之後想玩下sd但顯卡早已報銷結果到到731都冇再好好打番場sd了