樂古變得冷清 有d感慨.

川保久齡

今日心血來潮突然想搵d舊online game既資料, 睇下有咩懷舊game仲可以玩下
係google一search, 就見到樂古
一入黎已經變晒, 每個版都差唔多無新post. 有d舊區last post仲係幾年前.

記得以前日日上黎睇攻略, 睇搞笑相. 無諗過10年後呢到會咁靜
時間真係改變好多野, 令人感慨.

我知道有d版(e.g. 楓之谷) 應該有好多活躍既玩家, 但可能佢地都去左其他比較大既論壇?
總之, 一入黎就勾起好多回憶, 但都帶黎一份心酸...

川保久齡

唉.. OLG都開始衰落, 好多大作都係無人玩, 一個server得番幾百人..
樓上講得岩.. 好多GAME都無左以往既遊戲性, 全部自動導航都唔洗去摸索
手機game市場又大左, 想玩下休閒game打開電話就大把
電腦遊戲, 玩d好似LOL回合形式既遊戲就更加有彈性,
大家開始唔會花時間係遊戲上面.
可能OLG已成過去啦?

不過記起以前既日子真係好開心...
好似以前同一班同學打魔獸世界, 一班新手一齊打副本, 哈碌百出, 第二日番學就笑餐飽.
打RO就一個公會齊上齊落, 大家每日打裝打lv, 又會坐係主城傾計.
然後遇到難題就上樂古討論, 或者分享心得
打到寶又po上黎...
一種有交流既遊戲文化, 可能已經變成歷史

川保久齡

凝聚力唔夠咁 好似.
上述其他論壇真係會有好多討論空間, 會員又會自組群組.
可能因為佢地配套做得好D掛.. 除左game以外其他版塊都推行得好
同埋有d幾吸引既小屋/紙娃娃系統. 係得意既
吸引到一班熱愛果個遊戲既人入去討論, 甚至畫畫. 推廣得好d既