鄺敏慧戴錯眼鏡識錯人

near813

休息一輪，鄺敏慧已經開始復工出席活動搵錢。

中巴混血兒鄺敏慧早排報稱俾男友崔建邦打，喊晒口指崔建邦拉扯佢，又用鉸剪腳鉗實佢，搞到要報警求助，崔建邦就要去警署協助調查。事件過咗一排，鄺敏慧最近開始蒲頭兼復工，之前仲去咗灣仔會展睇 Vivienne Westwood時裝騷，仲喺自己個 blog上載咗啲新相，寫咗啲感想：「好開心可以去見識大型 fashion show，又可以跟前輩們學到專業 catwalk同 posing，多謝公司畀呢個機會我學習，完 show後再同 model朋友們去飲嘢，今日過得好充實^^」，仲有唔少朋友同 fans都喺網誌留言幫佢打氣。

放大圖片

中巴混血兒鄺敏慧上月哭訴被崔建邦鉸剪腳對付，事件更鬧上差館。　資料圖片

放大圖片

鄺敏慧早前同朋友去咗台北散心，仲將男友人嘅合照放上網誌。

內容夠應景

放大圖片

鄺敏慧賣隱形眼鏡廣告 sell要睇清楚，佢自己都應該要帶眼識人。

鄺敏慧喺星期一又 upload咗自己最近拍嘅隱形眼鏡新廣告片段，馮仁昭覺得同佢近期嘅遭遇相比有啲諷刺。廣告一開始就響晒警鐘，話眼睛健康響警號，之後近鏡影住戴咗隱形眼鏡嘅鄺敏慧，對眼起晒紅筋好乾、皺晒眉好唔舒服嘅樣，仲要去驗眼㖭！佢遇到崔建邦呢位佢口中嘅火爆男友，或者佢真係需要去驗眼，廣告有句旁白「猶如冇戴 con一樣」咁又真係好應景，或者中巴都係冇帶眼識人，先至搞出咁多麻煩事。

明顯識錯人啦