無辜捲入強姦案 祖兒：想上位都唔同呢個人

near813

容祖兒最近無辜被捲入一宗強姦案，有人在庭上爆料指被告聲稱曾與容祖兒、楊穎（ Angelababy）及文詠珊（ Janice Man）發生關係。祖兒前晚對此回應說：「想上位都唔係同呢個人啦！」她奉勸時下年輕人勿損害自己身體來換取機會， Angelababy則謂不會做這種蠢事。

容祖兒前晚與古巨基及陳偉霆等到將軍澳電視廣播城錄影節目《全城響應助更生》，祖兒穿着 V領衫亮相，她謂已做足防走光措施，她說：「一片平原，冇乜好擔心。」

放大圖片

高海寧穿短褲仔跳舞，有板有眼。

談到最近一宗強姦案，有人在庭上爆料指 Angelababy、 Janice Man及容祖兒為求上位，曾與被告有性關係，祖兒前晚睩大雙眼說：「咁嘅行為唔啱，年輕人要用邏輯去推理一件事，想上位都唔係同呢個人啦。」問她應該與甚麼人？她說：「唔應該用呢個途徑，更何況係呢個人，荒謬，教壞小朋友，我睇新聞時覺得呢個 point好爆好有創意。」
祖兒表示若見到呃神騙鬼的神棍要掉頭走，她說：「我細個都遇到啲人講到同娛樂圈啲人好熟，啲少女聽到覺得好有吸引力，其實入娛樂圈有好多正確途徑，好似歌唱比賽同選美，絕對唔可能損害自己身體先得到機會。」問她有否為此事生氣？她說：「唔會嬲，點會呢？」至於 Angelababy及 Janice Man被牽涉，祖兒竟說：「咁唔只我係佢嘅容祖兒公主喎！」身在北京的 Angelababy回應此事時說：「我係公眾人物，一定唔會咁蠢，現實生活中，我係唔識得佢。」

陳偉霆當阿嬌家姐

放大圖片

陳偉霆稱對鍾欣桐沒有任何遐想，視她為大姐姐。

Angelababy緋聞男友陳偉霆近日與鍾欣桐（阿嬌）傳緋聞，他前晚說：「我當佢家姐，我由頭到尾都冇諗過，我對佢冇半點遐想，佢應該對我都冇。」有指阿嬌很易與拍戲對手撻着，如陳冠希及麥浚龍， William竟說：「我唔信阿嬌同佢哋一齊過，都唔係堅嘅。」
採訪：王崇穎
攝影：陳順禎

個條友真係亂黎

黑色彩虹

條友咩水黎嫁?
如果係老闆就唔同