一向鍾意cosplay嘅日本女藝人中川翔子,今日就嚟到動漫節舉行簽名會。
對於再次來港,稍後仲會喺九展開騷,翔子用「有限公司」嘅廣東話話:「我好開心見到你哋,我係中川翔子,我鍾意香港,我係大使,我好開心,屋企有十隻貓。」問佢動漫節有咩演出,翔子用日文答道:「動漫節有好多粉絲,4年前嚟過,希望唱多啲歌,氣氛熱鬧啲,我非常喜歡香港,俾我美妙嘅人生,個人演出係我夢想,會唱廣東歌,練咗好耐,雖然廣東話有困難,但我好鍾意香港,有信心。」
問佢有冇邊個想合唱,佢用廣東話話:「成龍先生」然後就用日文講:「佢好有型好犀利,功夫好厲害又親切,佢教咗我幾招,呢個係我夢想,真係好開心。咁識唔識香港一班o靚模?翔子話:「知道Angelababy,都想見吓佢。」
http://hk.apple.nextmedia.com/enews/realtime/20130726/51592381 |